Энэ сарын 19-ний өдөр төрсөн ээж нь хүүгийнхээ амь насыг хохироосон харамсалтай хэрэг цагдаагийн байгууллагад бүртгэгджээ.

Баянзүрх дүүргийн 26 дугаар хороонд оршин суух 28 настай эрэгтэй баруун гуяндаа хутганы шархтай нас барсан хэргийг Баянзүрх дүүрэг дэх цагдаагийн нэгдүгээр хэлтэст шалгаж эхэлсэн байна.

Шалгалтын явцад, дээрх эрэгтэйн амь насыг талийгаачийн төрсөн ээж болох 50 настай эмэгтэй М гэгч нь хохироосон болох нь эд мөрийн баримтаар тогтоогдоод байгаа ба хэрэг үйлдэх үедээ сэжигтэн этгээд архи согтууруулах ундааны зүйл хэрэглэсэн байжээ.