Нийслэлийн хэмжээнд зохион байгуулж байгаа коронавиуруст халдварын тандалт, илрүүлгийн “Нэг хаалга-Нэг шинжилгээ”  Баянзүрх дүүрэгт өнөөдөр үргэлжилнэ.

Баянзүрх дүүрэг 45,800 иргэнийг шинжилгээнд хамруулах бөгөөд явуулын 193, суурин 4 цэгээр шинжилгээг авах юм. 

Шинжилгээ 21,22-ны өдрүүдэд буюу хоёр өдөр үргэлжлээд маргаашнаас хөл хориог нэг зэрэг бууруулж өндөржүүлсэн бэлэн байдлын зэрэгт шилжих билээ. 

Өчигдөр ээлжит мэдээллээр /2021.02.21/ : Нийт 44.018 хүнд шинжилгээ хийж, 52 хүнээс халдвар илэрсэн. Үүнээс 24 нь "Нэг хаалга, нэг шинжилгээ"-гээр илэрлээ. 15 нь анхны шинжилгээгээр илэрсэн бол 9 нь батлагдсан тохиолдлуудын ойрын хавьтлууд байсан юм. Шинээр зарим хороодод халдвар бүртгэгдэж байна. Тухайлбал, Баянгол дүүргийн 22, 23, 3, 5 дугаар хороо, Баянзүрх дүүргийн  26 дугаар хороо, Сүхбаатар дүүргийн 3, 18 дугаар хороонд халдвар бүртгэгдээд байгаа тул зарим хороодод хэсэгчилсэн хорио тогтоохоор төлөвлөөд байгаа юм.